Fitness
Exercise in old age: ‘I be 73 years old and like to carry weight’ – BBC News Pidgin
Dem no support media player for your device
‘I be 73 years old and like to carry weight’
‘’I no get any plan to retire from exercising‘- Dat na wetin Rosalind Umar tok wen BBC Pidgin ask her if she go stop to do exercise.
Madam Umar wey be 73 year old grandma don dey do exercise for more dan 10 years now.
She say she no go stop becos exercising get plenty benefit.
Grandma Rosalind dey exercise three times a week wit her husband Abdultalib Umar and dia physical trainer Michael for dia house for Lagos Nigeria.
Dia workout routine include weightlifting, boxing and strength training exercise dem.
”I like to carry weight, I like to carry weight well-well”. Rosalind Umar add put
Na knee pain make Grandma Rosalind start her fitness journey afta her doctor advise her to lose weight.
Since she start dis exercise mata many years ago she neva look back.
Video by Fiona Equere and Adekola Olawale